گود سبور//
طاحو الرجاء الرياضي فتعادل بطعم الخسران، وهذا الشياليوم امام فريق المغرب التطواني بنتيجة واحد لزيرو، ضمن الجولة 21 من البطولة الاحترافية لكرة القدم.
الماتش اللي تلعب فتيران سانية الرمل فتطوان بين المغرب التطواني والرجاء الرياضي، سالا بنتيجة التعادل الايجابي بين الفريقين واحد لواحد، وكانوا الرجاء هم الأولين اللي ماركاو بهدف ديال المهدي موهوب فالدقيقة 7، اما المغرب التطواني ماركاو التعدل بهدف ديال معاذ گولوس فالدقيقة 85.
بهذا التعادل خدا كل فريق نقطة واحدة، وولات عند المغرب التطواني 26 نقطة وطلعو للمركز 7، أما الرجاء الرياضي فهاد التعدل ماشي فصالح الفريق اللي كينافس على لقب البطولة الاحترافية، ورصيدهم دابا 45 نقطة، والصدارة المؤقت ديالهم مهددة، والجيش الملكي إذا ربحو الماتشات ديالهم اللي مازال ما لعبوش غيهربو بالمركز الاول.
وللإشارة فالماتش بين المغرب التطواني والرجاء الرياضي سبقاتو اعمال شغب تسبب فيها محسوبين على جماهير الرجاء الرياضي، واللي جاو بأعداد كثيرة لمدينة تطوان وبلا تذاكر الماتش، وملي تمنعو من دخول تيران سانية الرمل حيث ما عندهمش تيكي ناضت مجموعة منهم واشتبكت مع البوليس والقوات المساعدة وضربوهم بالحجر وهرسو طوموبيلات الامن.