اسماء غربي – كود//
أوقفت فرقة الشرطة القضائية بمدينة تمارة، البارح الجمعة 7 أكتوبر الجاري، مرا فعمرها 41 عام، والسبب “الاشتباه” فتورطها فنشر وترويج محتويات رقمية بواسطة الأنظمة المعلوماتية قالك كتتضمن إخلال علني بالحياء.
وجا فبلاغ البوليس: ان المشتبه فيها قد تعمدت توثيق مشاهد مخلة داخل منزلها، مع نشر وترويج هذه المحتويات الرقمية الماسة بالحياء العام على مواقع التواصل الاجتماعي وعلى قناتها في موقع يوتوب.
حنا ف”گود” ديما كنددو بالمحتوى التافه، والمؤثرين اللي مكيأثرو على حد، ولكن فنفس الوقت مع حق كل واحد ينشر اللي بغى (حدو مكيرتاكبش جريمة)، وضد ان الدولة تدخل فمحتويات بحال هكا، وتدخل ماليها للحبس او حتى ديرهم تحت الحراسة النظرية! ايه ماكرهناش مانشوفوش فتيحة وراجلها وتخربيقهم، ولكن ماعلينا غير نزاپيوهم ومانتفرجوش فتفاهتهم عوض مانشدوهم ونتاهمهم ونحبسوهم!
للاشارة، توقيف فتيحة جا من بعد آخر فيديوهاتها، اللي نشرت فيها مقطع من داخل طواليط وهي كتقضي حاجتها وصورات كولشي..
وتدارت فتيحة تحت تدبير الحراسة النظرية رهن إشارة البحث القضائي اللي كيجري تحت إشراف النيابة العامة المختصة، وهادشي للكشف عن جميع ظروف وملابسات هاد القضية، وتحديد كافة الأفعال الإجرامية المنسوبة للمعنية بالأمر.