كود سبور//
مرشح الإطار الوطني عبد العزيز بوحزمة باش يخدم فالطاقم التقني ديال المنتخب الوطني المغربي تحت إشراف الناخب الوطني وليد الركراكي، وهاد الشي حيث غتكون تغييرات فالصطاف.
مصادر مطلعة، كشفت أن عبد العزيز بوحزمة اللي فايت خدم مع أنجي الفرنسي كمدير تقني ومدرب، غيكون فالطاقم التقني ديال وليد الركراكي، وياخذ بلاصة غريب امزين المدرب المساعد، وغيبقى رشيد بنمحمود فالخدمة ديالو مدرب مساعد حتى هو.
وكان الناخب الوطني وليد الركراكي لمح فالخروج الإعلامي ديالو على الرياضية بعد الإقصاء من كوب دافريك بلي غيكونو تغييرات فالطاقم التقني ديال المنتخب المغربي.
Laisser un commentaire