وكالات//
وقعات اللجنة المنظمة للألعاب الأولمبية للي جاية ف باريس فواحد الموقف خايب بزاف، بعدما تسرقات معلومات مهمة جدا من البيسي ديال واحد المهندس فيها.
على حساب ماقالت وكالة رويترز للأنباء من جوج ديال المصادر فرنسية، فالمهندس تسرق ليه بيسي فيه الخطة ديال التأمين ديال الألعاب الأولمبية.
كتقول الوكالة أن المهندس لي خدم ف البلدية ديال باريس تسرق ليه البيسي ديالو من محطة ديال التران ف باريس.
ولكن مقالوش واش المعلومات لي فيه حساسين بزاف على المستوى الأمني وللا لا.
دابا البوليس منوضين روينة وحلو أونكيط باش يعرفو شكون سرقو.