الوداد ضيعو تاني النقاط بتعادل مع الزمامرة فماتش بارد وحظوظهم فالمنافسة على اللقب ضعافت

كود سبور//

ضيع الوداد الرياضي نقاط جديدة فمنافسات البطولة الاحترافية لكرة القدم، بتعادل مع نهضة الزمامرة اليوم الثلاثاء فتيران احمد شكري فالزمامرة، ضمن مؤجل الدورة 20.

الماتش بين الوداد الرياضي ونهضة الزمامرة سالا بالتعادل السلبي زيرو لزيرو، والنيفو فيه كان ضعيف بزاف وحتى الحماس ما كانش والأجواء كانت باردة حيث المباراة تلعبت بلا جمهور بقرار من السلطات، مع العلم أن الواك حاول من خلال تغييرات دارهم المدرب فوزي البنزرتي ولكن الانكماش ديال الزمامرة ما خلاهمش يوصلو للشبكة.

التعادل بين الوداد الرياضي ونهضة الزمامرة عطى لكل فريق نقطة، وبهذه النتيجة ولات عند الوداد 32 نقطة والفريق بقى فالمركز 4 مع 2 ماتشات مؤجلين، ولكن بعيد بزاف عن الصدارة والحظوظ ديالو فالمنافسة على اللقب نقصت بزاف، أما نهضة الزمامرة فالفريق ولات عندو 26 نقطة وكيحتل المركز 9.

إقرأ الخبر من مصدره