الوداد رجعو للخسران وضربتهم اتحاد طنجة فتيرانهم والطنجاويين نقزو فالترتيب

كود سبور//

كيواصل الوداد الرياضي حصد النتائج السلبية، وهاد المرة خسر فالميدان ديالو مع اتحاد طنجة البارح الثلاثاء فتيران البشير فالمحمدية، برسم مؤجل الدورة 21 من البطولة الاحترافية لكرة القدم.

وسالا الماتش بين الوداد الرياضي واتحاد طنجة لمصلحة الطنجاويين بنتيحة 2 لزيرو، وماركا الهدف الأول لفارس البوغاز الحادجي كاني ماديكي فالدقيقة 11، وزاد إسماعيل خافي الهدف الثاني فالدقيقة 13، وحاولو الوداد يرجعو فنتيجة الماتش ولكن ما قدروش، مع العلم أن مدرب اتحاد طنجة هلال الطير ما كاينش فكرسي الاحتياط بسبب التوقيف.

هاد الخسران الجديد ديال الوداد الرياضي مخلي الفريق داخل فمرحلة شك كبيرة، وبقات عندو 33 نقطة وكيحتل المركز 5، والفريق بعيد على الصدارة بـ22 نقطة وخرج من لاكورس على البطولة وعلى المركز الثاني المؤهل إلى دوري أبطال أفريقيا بـ18 نقطة، أما اتحاد طنجة خداو بهاد الرباح 3 بوان مهمة خلاتهم يرفعو رصيدهم إلى 24 نقطة وينقزو من المركز قبل الأخير إلى المركز 11.

إقرأ الخبر من مصدره