“آس” الصبليونية على المغرب.. الضيف اللي ولى كيضغط ف ظل الأزمة دالاتحاد الإسباني وكيشحد قوتو الدبلوماسية ف الفيفا باش يحتاضن فينال مونديال 2030

كود – كازا ///

قالت صحيفة “آس” الإسبانية الشهيرة، أن المغرب اللي دخل غير ضيف في مشروع الترشيح المشترك لاحتضان مونديال 2030 بعد تعليق الفيفا لأوكرانيا بسبب فضيحة، كيطمح دابا إلى اكتساب الشهرة وحشد كل قوته الدبلوماسية ف الفيفا لتحقيق ما يريده سرا، وهو تنظيم المباراة النهائية لكأس العالم 2030.

وأضافت المجلة الإيبيرية، أن المغرب كيضغط ف ظل الأزمة ديال الاتحاد الإسباني لكرة القدم والمشاكل القضائية ديالو، بالإضافة إلى بناء ملعب ضخم ف الدار البيضاء يتسع لـ110 ألف متفرج، وهي كلها ظروف كتخليه يطمح إلى تنظيم الفينال ديال المونديال ف 21 يوليوز 2030.

وحسب صحيفة “آس”، ففي الوقت الحالي، تعد إسبانيا الدولة صاحبة الأفضلية ف تنظيم المباراة النهائية للبطولة، على ملعب سانتياگو برنابيو. لكن الأحداث الأخيرة ف الاتحاد الإسباني لكرة القدم أثارت الشكوك لدى الفيفا اللي معندهاش رفض مسبق لتلبية تطلعات المغرب، نظرا لأن الشريك الآخر، البرتغال، ما يمكنش ليه احتضان وتنظيم الماتش ديال الفينال، حسب أنطونيو لارانخو، منسق الملف المشترك.

إقرأ الخبر من مصدره