ماتش الرجا والمحمدية ملعوب بلا جمهور الفراقي بجوج

كود سبور//

كيبان أن ماتش الرجاء الرياضي وشباب المحمدية، اللي غيتلعب غدا الأحد فتيران البشير، ضمن الألي ديال ثمن نهائي كاس العرش، عزوف كبير من الجمهور ديال الفراقي بجوج وقليلة الجماهير اللي غتحضرو، بعدما كان كلشي باغي يمشي للتيران فالمحمدية يتفرج فيه.

وبعدما قررو الرجاويين يقاطعو الماتش ضد شباب المحمدية، بعدما طالبهم المكتب المديري للنادي أنهم ما يمشيوش، حيث التذاكر واقع فيها مشكل وهذا الشي يقدر يتسبب فشي أحداث لا رياضية تسيء للفريق وتتسبب فعقوبات عليه، خرج گروب “باندا روسا” المشجع لشباب المحمدية حتى هو وعلن مقاطعة الماتش بين الفريقين، احتجاجا منو على المكتب المسير لشباب المحمدية برئاسة اسامة الناصري عطى الجهة اللي كيكون فيها جمهور الشباب فتيران البشير لجمهور الرجاء.

وفبلاغ  لهم شرحو جمهور الشباب اسباب مقاطعة الماتش ضد الرجاء وقالو: ” جا هدا القرار بناءا على تفويت مكتب العار مكتب الفاشلين ملعب البشير المعقل الرسمي للجماهير الشبابية ، للفريق الخصم و حرمان الجمهور الشبابي من الجلوس فالبلايص المخصصة لهم و هي كورڤا ولاد فضالة و تخصيصها للجمهور المنافس في ضرب تام لمبدأ تكافئ الفرص سيما و أننا نحن من نستقبل المقابلة لا لشيء سوى زيادة تهجير ما تبقى من الجمهور الشبابي الوفي و الذي لازال يهتف باسم الشباب عاليا و أينما حل و ارتحل”.

إقرأ الخبر من مصدره