الارهابيين د داعش كيهددو ملاعب مدريد وباريس ولندن هاد الليلة وغدا وتعبئة امنية كبيرة باش كلشي يدوز مزيان

كود عن الوكالات //

تعبئة امنية كبيرة فمدن مدريد وباريس ولندن اللي غادية تلعب فيها مباريات ربع شامبيانز ليگ الاوربية اليوم وغدا. اليوم لثلاث 9 ابريل 2024 كاين جوج ماتشات. واحد فلندن بالضبط بملعب الامارات بين ارسنال وبايرن ميونيخ والثاني فبيرنابيو بين ريال مدريد ومانشيستر سيتي والثاني غدا لاربعا 10 ابريل 2024 وغادية تكون وحدة فمدريد بين اتلتيكو مدريد وبروسيا دورتموند والثانية فباريس بين باري سان جيرمان والبارصا.

هاد التعبئة جات بعد تهديدات داعش لشن هجوم على هاد الملاعب. داعش خرجات فاحدى وسائلها الاعلامية هاد الدعوة وطلقات “اقتلوهم جميعا” وعطات اسماء التيرانات 4 اللي غادي يتلعب فيها مباريات ذهاب ربع الشامبيانز ليگ

وحسب ربورطاجات هاد الصباح لوسائل اعلام صبليونية منها “الاولى” فالسلطات الاسبانية موجدة لهاد الماتش ودارت تعبئة امنية باش يدوز ماتش اليوم بين سيتي والريال وغدا بين اتلتيكو ودورتموند بيخير.

وحسب الاعلام الاسباني فهناك 4 الاف مشجع جاو من مانشيستر لتشجيع فريقيهم السيتي و3600 مشجع من دورتموند لماتش غدا ضد الاتلتيكو.

إقرأ الخبر من مصدره