كود سبور//
وصلت قبل لحظات من ظهر اليوم الخميس بعثة الزمالك المصري للمغرب، باش يلعبو مع نهضة بركان لالي ديال فينال كأس الكونفدرالية الإفريقية.
ونزلت طيارة الزمالك المصري فمطار وجدة جايا من مطار القاهرة الدولي فرحلة مباشرة، ولقاو الزمالك فاستقبالهم فالمطار مسؤولين نهضة بركان ورئيس النادي حكمي بن عبد الله، ورئيس العصبة الوطنية لكرة القدم الاحترافية عبد السلام بلقشور اللي رحبو بهم فالمغرب.
ووفرات إدارة نهضة بركان الكار ديال الفريق باش يكون عند تصرف الزمالك المصري، وغايمشيو من مطار وجدة للوطيل اللي غايگلسو فيه فالسعيدية باش يرتاحو، وبعدها يبداو يوجدو الماتش اللي غايتلعب الاحد الجاي.
Laisser un commentaire