الرجاء ربحو حسنية أكادير وتأهلو لدومي فينال كاس العرش

كود سبور//

تأهلو الرجاء الرياضي لدومي فينال كاس العرش، بعدما ربحو اليوم السبت فريق حسنية أكادير فربع نهائي المسابقة.

وسالا الماتش بين الرجاء الرياضي وحسنية اللي تلعب فتيران ادرار فأكادير بنتيجة 3 لواحد، وكان الحسنية هما الاولين اللي ماركاو بهدف ديال عبد الله بوخنفر فالدقيقة 7، وقدرو الرجاء الرياضي يرجعو فالماتش بهدف التعدل اللي ماركاه المهدي موهوب فالدقيقة 11، والهدف الثاني ديال الرجاء ماركاه لاعب الحسنية أساني بايي على راسو فالدقيقة 26، والهدف الثالث ماركاه ادم النفاتي فالدقيقة 45، وفالدقيقة 73 زادو الرجاء الهدف الرابع بواسطة نوفل الزرهوني، وقلص فريق حسنية اكادير الفارق بهدف ثاني ماركاه حمزة البلغيتي فالدقيقة 89.

وبهاد الرباح تأهلو الرجاء الرياضي لدومي فينال كاس العرش، وغايتلقاو مع المتأهل من ربع نهائي المغرب التطواني والمغرب الفاسي، أما حسنية أكادير تقصاو من المسابقة.

إقرأ الخبر من مصدره