كارثة حقيقية عاشتها الهند.. لوحة إشهارية طاحت على الناس فوسط الشارع وقتلات 14 واحد

وكالات//

تسببات واحد اللوحة إعلانية كبيرة بزاف في كارثة بمدينة جاتكوبار شرق العاصمة الاقتصادية ديال الهند بومباي، ماتو فيها 14 واحد على الأقل.

على حساب ماقالت الصحافة الهندية، فواحد العاصفة مفاجئة ضربات المدينة تسببات في سقوط هاد اللوحة على الناس لي كانو دايزين وهي تقتل 14 منهم في البلاصة.

The death toll in the hoarding collapse in Mumbai’s Ghatkopar rose to 14 in the early hours of Tuesday, with 74 left injured.- Video by SL Shanth Kumar @timesofindia pic.twitter.com/AOqjEGGgmP

— TOI Mumbai (@TOIMumbai) May 14, 2024

وبينات بزاف ديال الفيديوهات اللحظات الأولى ديال الكارثة، لي كانت فشارع معروف أنه كيكون ديما عامر بالناس.

وقالت الصحافة الهندية أن الحادثة وقفات حركة السير، والسلطات علنات أن 74 واحد آخر هزوهم للسبيطار، وشي وحدين الإصابة ديالهم خطيرة.

إقرأ الخبر من مصدره