كود سبور//
اعتبر الالماني جوزيف زينباور مدرب الرجاء الرياضي أن الفريق ديالو دار ماتش مزيان ضد نهضة بركان بعدما ربحوهم بثلاثة لزيرو برسم مؤجل الدورة 27 من البطولة الاحترافية، واكد ان الجيش الملكي هما اللي قراب للتتويج باللقب واخا بيناتهم غير نقطة واحدة.
وهضر جوزيف زينباور مدرب الرجاء الرياضي ملي سالا الماتش مع نهضة بركان وقال فتصريح له: “لعبنا ماتش واعر من احسن ليماتش اللي درنا هاد الموسم، وگاع اللاعبين كانوا مزيانين لا دفاعيا ولا هجوميا”.
وكمل جوزيف زينباو وقال ان الجيش الملكي هما اللي عندهم لافونطاج حيث متصدرين وانه ما غايدويش على اللقب دابا حيث مازال اللعب وعندو ماتشات مع اتحاد طنجة والوداد.
Laisser un commentaire