كود سبور//
اكد الناخب الوطني وليد الركراكي انه كاين تنسيق ما بينو وبين مدرب المنتخب الاولمبي طارق السكتيوي، واخا الأوليّة هي للمنتخب الاول واكد ان 11 لاعب من ليكيب ناسيونال A غايشاركو مع المنتخب الاولمبي فأولمبياد باريس.
وتحدث الناخب الوطني وقال: “أنا وطارق السكتيوي علاقتنا مزيانة ولعبنا بجوج ودابا عندنا 7 اللاعبين فلاليست المنتخب الاولمبي او 8 وكاينين 3 اللاعبين اللي فوق 23 عام اللي غايهبطو للمنتخب الاولمبي يعني 11 لاعب غايمشيو للألعاب الاولمبية من المنتخب الاول”.
وكمل الركراكي: “الخدمة اللي درنا أنا والصطاف ملي جينا هي باش نربحو الالقاب والمتشات ونخدمو على المستقبل ودابا عندنا فريق اللي غايمشي للأولمبياد وهذا الشي مزيان للمستقبل باش هاد الدراري يفرحونا”.
ووضح الركراكي: “عندنا هدف فالالعاب الاولمبية وبغينا المنتخب يفرحنا ويفرح الجمهور المغربي ويدوزو للدور الثاني ومع هاد الجيل نقدرو نديروها.. كان عندنا تساؤل واش نخليو اللاعبين يوجدو مع السكتيوي للألعاب الاولمبية ولكن الأولوية هي ديما للمنتخب الاول ونربحو الماتشات ديالنا، وهما مفاهمين بيناتهم”.
Laisser un commentaire