شكون يحاسب الوزيرة البامية على تنظيم “جيتيكس افريقيا”. كيفاش تفرقو المارشيات واش لاح راجلها كيتاصل بالصحافة يكتبو على مراتو وشكون جاب وكالة العلاقات مع الصحافة وشكون كيحميها

مراكش هند لكلاوي كود///

مراكش كتحتاضن الدورة الثانية لمعرض “جيتيكس إفريقيا المغرب” . حدث كبير غير هو المشكلة ان الجهة المنظمة
اللي هي وكالة التنمية الرقمية والوزارة المنتدبة المكلفة بالانتقال الرقمي وإصلاح الإدارة للي كتشرف عليها البامية غيثة مزور دارت حدث تسخسو الصحافة فيه. فوضى فالتنظيم.

حدث بصاح يمكمن يعزز مكانة المغرب كقطب رقمي إقليمي ولكن خاص امور كثيرة تصلح. خاصة المتعلقة بالتواصل والعلاقات مع الصحافة.

الحضور مزيان والتدبير ديالو كارثي. كيفاش عطات هاد مزور المارشي ديال العلاقات مع الصحافة ل”پي ار ميديا” وواش راجلها طبيب العيون عندو دخل فهاد الفيلم. اللي كاين هو ان هاداك رجل الاعمال اللي ولى ملايري بمصحة العيون اتصل بشي صحافيين فالاعلام العمومي يا سيدي باش يكتبو على خدمة مراتو اللي ما فيدهاش.

وحدة من افشل وزيرات هاد الحكومة.

الصحافة تسخسخات فهاد المعرض. حتى اليوم الثاني عاد دارت مجموعة فالواتساب باش يبارطاجيو المعلومات. بيانات على انشطة كتوصل معطلة.

مع هاد الوكالة كيف وقع فمعرض مكناس للفلاحة٬ خدمتهم كتولي قريبة لتريتور من العلاقات مع الصحافة. ما كيجيبوش مسؤولين باش يحاوروهم الصحافيين “جيت نخدم. هنا ما كاينش مع من تهدر. تطلب شي ضيف ما عمرك دير معاه حوار” يحكي صحافي ل”كود”. هاد الصحافي كان حضر لهاد المعرض فدبي وشاف كيفاش الخدمة “اللي بغيتيه كانو يجيبوه ليه فدبي. هاد الوكالة ما كديرش خدمتها. شكون كيدعمها باش تاخد بحال هاد المعرض ولفضيحة غادية تكون ف”موازين” يشرح مصدر “كود”.

المعارضة عندها ضعيفة. كفاءات ضعيفة بحال مزور كانت تبهدل فالبرلمان. بحال هاد لفضايح ما توقعش

إقرأ الخبر من مصدره