كود سبور//
كيواصل الناخب الوطني وليد الركراكي البحث على حلول للعقم الهجومي اللي كيعاني منو المنتخب الوطني المغربي، مقابل تواجد مهاجمين متألقين مع الاندية ديالهم وحاسمين فتتويجها بالألقاب.
وخلال الحصة التدريبية الثالثة فمعسكر المنتخب الوطني المغربي اللي بادي فمركز محمد السادس لكرة القدم فالمعمورة، ركز الناخب الوطني وليد الركراكي السبت، مع اللاعبين على التسديد فالمرمى، من جميع النواحي والفينيسيون ديال الهجمات لتحويل الفرص ديال المنتخب المغربي إلى أهداف.
وعرفت الحصة التدريبية حضور اغلب اللاعبين في انتظار التحاق باقي العناصر اللي مازال مع الاندية ديالها حيث عندهم ماتشات حاسمة وفينالات بحال ياسين بونو وبراهيم دياز، والاجواء داخل ليكيب ناسيونال حماسية زوينة وكلها تركيز على مواجهتي زامبيا والكونگو فاقصائيات مونديال 2026.
Laisser un commentaire