بحكم ان العديد من المغاربة كيعتابروا العيد الكبير عبارة على قطعة ميدمة ولذيذة مرافقة للشراب، ومع ذاك حتى هوما كيتزاحمو في رحبة الكسيبة وياخدو الصردي ويغليو السوق على المغرابة لخريين لي كيمارسو العيد الكبير كطقس ديني، اذن علاش هاد السكايرية ماتفتحش ليهم الدولة فرصة انهم يبقاو يذبحو الحلوف؟ فيه اللحم كثير وميدم وكيجي مع الشراب

محمد سقراط-گود///

واحد العام كنا كنتمشاو انا وسليمان الريسوني الله يذكرو بيخير وبعض الأصدقاء في النهار التاني للعيد الكبير في خميس الساحل فين كان خدام الريسوني داك الساعة، تلاقينا واحد المقدم وعلى خلاف مباركات العيد الجاري بها العمل قالينا هو بصوت عالي وا مبروك القطعة، خرينا بالضحك حيت كانت معايدة مبتكرة خارجة على المألوف وفيها من الحقيقة الشيئ الكثير، العيد الكبير سبحان الله من ديما هو لي عزيز عليا في العياد كلهم، وحتى عز من العيد الصغير لي كيجي من بعد شهر ديال العذاب بسبب صعوبة التوفيق بين العمل والصيام المتقطع والمتواصل حتى المغرب.

بحكم ان العديد من المغاربة كيعتابروا العيد الكبير عبارة على قطعة ميدمة ولذيذة مرافقة للشراب، ومع ذاك حتى هوما كيتزاحمو في رحبة الكسيبة وياخدو الصردي ويغليو السوق على المغرابة لخريين لي كيمارسو العيد الكبير كطقس ديني وهدفهم التقرب الى الله ماشي ياكلوا اللحم، اذن علاش هاد السكايرية ماتفتحش ليهم الدولة فرصة انهم يبقاو يذبحو الحلوف؟ فيه اللحم كثير وميدم وكيجي مع الشراب زين وفي نفس الوقت راه من جنس الطاسة حتى الى راه حرام فراه غادي يتكال مع بنت عمو الطاسة حتى عي حرام، او الطاسة حلال والحلوف حرام.

كاين مناطق كثيرة في المغرب كياكلو الحلوف البري ويصيدوه، كما ان اغلب الأسواق الكبرى كتبيعو وكيشريوه المغاربة ويا للمفارقة يمكن تشريه كنغربي حتى في رمضان على خلاف الشراب، اذن علاش مايوليش يتكسب في المغرب بنسبة كبيرة ويرجع يتباع في الأسواق راه غير انا في صغري كنعقل عليه كيتباع في المارشيات ديال أي مدينة ، في البلاصة القديمة في طنجة كان كزار كيببع غير الحلوف كتلقى الجيگو دالحلوف تبارك الله معلق عندو كيشهي، والحلوف راه كيولد بزاف في العام ومنتج كبير للحم على الأقل غادي يخف التنافس على لحم الغنمي ومانبقاوش نسمعوا هاد الاثمنة الخيالية، ثمن خروف رباعي قرب يوصل لثمن لعاب في الدوري الإنجليزي اللهم ان هذا منكر.

إقرأ الخبر من مصدره