كود سبور//
دارت لجنة من الاتحاد الدولي لكرة القدم زيارة لتيران سبوتيفاي كامبنو ديال البارصا، وهو أكبر تيران فالصبليون وأوروبا ومن أكبر ملاعب العالم، واللي كاني ضمن ملاعب ملف ترشح المغرب وإسبانيا والبرتغال لتنظيم مونديال 2030.
وزارت لجنة الاتحاد الدولي لكرة القدم تيران سبوتيفاي كامبنو اللي كايهز كثر من 98 ألف بلاصة، وتفقدت المرافق ديالو، مع العلم ان التيران كيتعتبر معلمة معمارية مميزة، والبارصاويين باغيين ينافسو به على احتضان فينال مونديال 2030، وهو النهائي اللي باغيا الصبليون تنافس على التظيم ديالو بتيران سانتياگو برنابيو ديال ريال مدريد مع المغرب اللي عندو رغبة ينظم الفينال فتيران الدار البيضاء الكبير، واللي غايكون من أكبر ملاعب العالم.
وكانت لجنة الفيفا دارت قبل ايام زيارة تفقدية لتيرانات البرتغال، ومنها مشات لاسبانيا باش تشوف التيرانات ديالها، في انتظار انها تجي للمغرب باش تشوف الملاعب والمرافق المرشحة لاحتضان مونديال 2030.
Laisser un commentaire