كود سبور//
تايق الناخب الوطني وليد الركراكي فراسو، وبان على أنه غايطول فتدريب المنتخب الوطني المغربي، واخا الانتقادات الكثيرة اللي كتوجه ليه بعد الإقصاء المبكر ديال الأسود من كاس أفريقيا ومن وراه العمق الهجومي اللي كتعيش ليكيب ناسيونال، لدرجة أن عدد كبير من الجماهير المغربية كيطالبو بالرحيل ديالو، فالوقت اللي الجامعة الملكية المغربية جددت فيه الثقة.
وخلال الندوة الصحافية اللي كتسبق ماتش المغرب وزامبيا ضمن إقصائيات مونديال 2026، قال الناخب الوطني وليد الركراكي إنه باغي يحقق إنجاز غير مسبوق مع ليكيب ناسيونال وهو التأهل إلى كأس العالم للمرة الثالثة على التوالي وهي إذا تحققت غاتكون سابقة بالنسبة للكورة المغربية، وكمل وقال إن هذا الشي مع مشاركة المنتخب المغربي فمونديال 2030 اللي منظمو المغرب مع إسبانيا والبرتغال غايكون إنجاز واعر.
Laisser un commentaire