سكوب. الدواعش أصحابهم اللي يكرهو الفن اللي حرضو ضد المهرجان الى مزبلة التاريخ..مصدر لـ”كود”: كثااار من مليون حضرو لسهرات لحد الان

احمد الطيب كود الرباط//

علمت “كود” من إدارة مهرجان موازين، أن الحضور الشعبي والجماهيري لعشاق الفن والرقص واهازيج العالم، فاق مليون مشاهد، فالليالي الخمس لولى من سهرات موازين هاد العام.

فهاد الايام من 21 حتى 26 يوليوز، كاين اقبال كبير على سهرات موازين، واللي متوقع يتزاد بزاف فهاد الويكاند ابتداء سهرة اليوم حتى للسبت.
موازين ماشي غير لحظات فنية خالصة، بل كذلك رد وطني وشعبي على دعاة الموت وشيوخ التطرف والرافضين للفن للي داور حملات بطرق خبيثة باش يحرضو الشعب يقاطع المهرجان.

موازين هو كذلك موازين القوى فالمجتمع، وهو كذلك حط بعض القوى السياسية والدينية فميزان الشعبية والتأثير، وتبين بلي مبقاوش كيأثرو. فهنيئا لنا بيقظة الشعب وفعالياته ومؤسساته ودولته.

إقرأ الخبر من مصدره