“جناح المغرب 1992” اللي يعتبر من أهم المباني الثقافية والتاريخية فمدينة إشبيلية تعرض للتخريب والسرقة والبوليس دايرين الأونكيط

كود – كازا ///

قالت جورنالات صبليونية، أن “جناح المغرب 1992” اللي يعتبر من أهم المباني الثقافية والتاريخية فمدينة إشبيلية تعرض للتخريب من طرف مجهولين، ف الاسابيع القليلة الماضية.

الجناح المغربي اللي تم تدشينو ف 1992 بمناسبة المعرض الدولي لمدينة اشبيلية، كان من المنتظر باش يكون مقر جديد لجامعة بابلو دي أولافيد، بعدما سلماتو سلطات المدينة لإدارة الجامعة.

وظل مقر الجناح بلا حراسة وتنشرات صور كتبين حجم الإتلاف والتخريب والسرقة اللي تعرض لها، بالاضافة إلى تعمد إحداث الضرر ف المرافق ديالو.

البوليس بداو الأونكيط ديالهم على 2 ديال الأشخاص وتم تحديد الهوية ديالهم والتأكد من الاقتحام ديالهم لمقر الجناح المغربي ف الايام الأخيرة.

إقرأ الخبر من مصدره