كود سبور///
تأكد أن التيران الجديد لمدينة الدار البيضاء واللي غايكون الاسم ديالو “ملعب الحسن الثاني”، هو أكبر تيران فملف الترشح الثلاثي للمغرب مع إسبانيا والبرتغالي لتنظيم مونديال2030، وهذا الشي كيخليه يكون منافس قوي على احتضان فينال التظاهرة.
وحسب ملف الترشح النهائي اللي تقدم به المغرب مع إسبانيا والبرتغال للتنظيم المشترك لمونديال 2030، إلى الاتحاد الدولي لكرة القدم بصفة رسمية، فهذا الملف مكون من 20 تيران، كايتوفر المغرب فيها على 6 التيرانات وإسبانيا على 11، أما البرتغال فالحصة ديالها هي 3 التيرانات.
تيران “الحسن الثاني الثاني” اللي غايتبنا بمنطقة بن سليمان نواحي الدار البيضاء، هو أكبر ملعب من بين الملاعب المرشحة رسميا لاستضافة مباريات مونديال 2024، حيث الطاقة الاستيعابية ديالو هي 115 ألف متفرج، وكايجي وراه تيران الكامب نو فبارسيلون فالصبليون بحوالي 103 ألف متفرج.
وحاط المغرب فملف الترشح مع إسبانيا والبرتغال كل من تيران الحسن الثاني، وتيران أكادير الكبير، وتيران فاس، وتيران مراكش الكبير، وتيران مولاي عبد الله، وتيران طنجة الكبير.
