دجوكوفيتش اللي خدا ذهبية التنس فالأولمبياد لأول مرة في تاريخو مقاداه فرحة: “كود” جابت كيفاش حيّح فباريس وها المغربي اللي كان معاه (صور وفيديو حصري)

عمر المزين – كود///

الصربي نوفاك دجوكوفيتش مقاداه فرحة بعدما تمكن من تحقيق ميدالية ذهبية لبلادو عن منافسات التنس في الألعاب الأولمبية 2024 المقامة حاليا في العاصمة الفرنسية باريس.

البطل العالمي دجوكوفيتش البارح الأحد دار قصارة زوينة مع صحابو في مطعم “Siena” اللي كاين في Marché Saint-Honoré وسط العاصمة الفرنسية، وكان مع صاحبو اللي فرحو بيه بزاف، واحتفل معاهم واحد المغربي اللي عرفاتو “كود” شكون هو بعدما حصلات على صور وفيديوهات ديالو.

ويتعلق الأمر برضا الزعيم الكاتب العام السابق داخل فريق المغرب الرياضي الفاسي، وهو رجل أعمال معروف بين مدن كازا ومكناس وفاس، وظهر الزعيم في صور وفيديوهات حصلت عليها “كود” ناشط مع الصربي دجوكوفيتش.

يذكر أن الصربي نوفاك دجوكوفيتش خدا أول ميدالية ذهبية أولمبية في كرة المضرب بمسيرته، بعدما فاز على الإسباني كارلوس ألكاراس في مباراة متقاربة 7-6 (7-3) و7-6 (7-2).

إقرأ الخبر من مصدره