بات لامين يامال: وليت حسن دابا وكانشكركم كاملين على تشجيعاتكم

كود سبور//

طمأن منير نصراوي، والد لامين يامال لاعب منتخب إسبانيا ونجم البارسا، الناس اللي مبرزطين على الحالة الصحية ديالو، بعدما تعرض لاعتداء بالسلاح الأبيض البارح الاربعاء فمدينة برشلونة.

وخرج منير نصراوي اب لامين يامال، ونشر سطوري على أنستغرام، كشف فيه أنه ولى بخير، وقال: “شكرا لكم جميعا على تشجيعاتكم، أن وليت حسن دابا، وبغيت نعنق كلشي”.

وناعس منير نصراوي فالسبيطار، بعدما تعرض للطعن فباركينگ فمدينة برشلونة، فالوقت اللي شدو بوليس الصبليون 3 الأشخاص مشتبه بهم فالاعتداء عليه وواحد هربان، مع العلم ان وسائل إعلام إسبانية كشفت أن الأشخاص اللي تعداو عليه ديجا تخاصمو معه فالصباح وتحلفو عليه وفالعشية طعنوه.

إقرأ الخبر من مصدره