تشهرات ببزاف ديال الأفلام الواعرين.. نجمة هوليود جينا رولاندز ماتت وعمرها 94 عام

وكالات//

ماتت الممثلة الميريكانية جينا رولاندز، لي كتعتابر وحدة من رموز “هوليود”، البارح الأربعاء، وفي عمرها 94 عام.

وتشهرات الممثلة الميريكانية ببزاف ديال الأفلام لي نجحو بزاف، ولي لعبات فيه دور البطولة، بحال “د نوت بوك”.

وكانت البدايات ديالها الأولى ناجحة بزاف، خاصة في الأفلام ديال راجلها الأول المخرج جون كاسافيتس.

وقالت العائلة ديال الممثلة الميريكانية انها ماتت وسط العائلة ديالها في دارها لي كاينا في إنديانا ويلز.

وكان معروف ان جينا رولاندز مرضات مؤخرا بالزهايمر وكانت تدهورات الحالة الصحية ديالها بسباب هاد المرض.

إقرأ الخبر من مصدره