سهام البارودي – كود//
شي مغاربة حنان فاش كاتدوي ليهم على البوركيني كايقوليك وا لي بغا يلبس البوركيني يلبسو و لي بغا البيكيني يلبسو و مريضنا ماعندو باس ! هاد الناس انا شخصيا كانشوفهم Des idiots utiles بنادم ماعايقش بلي السطحية ديالو هي لي غادخلو فالحيط.
فاش كاننتاقد البوركيني و كانقول عليه ابشع اختراع رأسمالي فراه حيت فعلا بشع و ماشي غير بشع استيتيقيا و صافي لا حتى الافكار لي كايروج ليها افكار بشعة ! ديال المرا خاصها تستر و خاصها تخبي الجسم ديالها حقا و الواد حيت عورة !
المشكلة طبعا ماشي فالبوركيني كلباس لا، المشكلة فالبوركيني كفكرة، كرسالة سياسية، بلي الاسلام السياسي و الافكار الظلامية طالقة عروقها فالمجتمع و حاضرة بقوة حتى فلابلاجات ديال المملكة.
المشكل يمكن ماغايبانش دابا لهادوك السطحيين لي كايدافعو على البوركيني و لكن أكيد غايبان من بعد، ملي غايزيد ينتاشر و يسيطر على الشواطئ المغربية، راه ديما كايبداوك بديك الهضرة ديال الحرية و لي بغا يلبس البوركيني يلبسو و لي بغات تلبس البيكيني تلبسو و كايساليوها فاللخر بلا خاصكم بزز تلبسو البوركيني و لي ليبسات البيكيني قحبة مستباحة حيت عرات الجسد ديالها.
لي خاص يعرفو هاد المكلخين دابا بلي من بعد بناتهم و عيالاتهم و خواتاتهم ماغايبقاش عندهم الاختيار بين البوركيني و البيكيني بل غايولي بزز عليهم خاصهم يلبسو البوركيني باش يعومو و إلا غايتعايرو و غايتم الاستهزاء بيهم و يقدرو گاع يكونو ضحايا عنف و لا اغتصاب، ايوا شنو؟ فاش يولي عندك البحر فيه ميتين مرا مغلفين بستمية ميترو ديال الليكرا شكون هادي لي غاتزعم تلبس مايو و تكّا فوق فوطتها باش تتشمش ؟ حتى وحدة حيت گاع العيالات غايخافو من نظرة الناس و التحرش، غايضطرو تاهوما باش يتاقيو عباد الله يلبسو البوركيني.
هادي هي الديكتاتورية لي غاتكون فالمستقبل الى المغربيات مات
Laisser un commentaire