نتاشر بزاف فالصبليون : طوندونس على تيكتوك غير بأناناسة مقلوبة تلقى الصاحبة او الصاحب

كود كازا//

قال موقع “bussines AM” انه بانت واحد طوندونس فالتيكتوك فإسبانيا كيقلبو فيها على شريك الحياة فالسوبر ماركت بلاصة مواقع التواصل الاجتماعي و مواقع التعارف.

واوضح ان هاد طوندوس فيه انه اللي مشا للسوبر ماركت وخدا اناناس وحطو مقلوب فالشاريو بين الساعة 7 دالعشيةو8 كيعني انه كيقلب على شريك، مضيفا أن بزاف ديال العزاب جذبهم هادشي وولاو كيجيو للمارشيات الكبار فالوقت كدليل على الاهتمام.

وأشار ان الكليان اللي خدا الاناناس وحطو مقلوب كيضرب الشاريو ديال اللي واخد الاناناس وحاطو حتى هو مقلوب لتأكيد المصلحة المتبادلة، بالإضافة لانهم تبناو اشارات اخرى كتبين نية كل واحد فحال مثلا الشوكولاتة أو الحلويات للرغبة فعلاقة طويلة الأمد، بينما تشير البقوليات أو الخس لأسلوب غير رسمي أكثر.

شركة ميركاندو،سلسلة سوبر ماركت اسبانية، براسها ولات كتروج لهاد الظاهرة على تيك توك “على رف ميركادونا في انتظارك للحصول على موعد”.

محلات السوبر ماركت الأخرى حتى هي انضمات لهاد الطوندونس، أطلقت شركة Lidl حملة مماثلة، لتشجيع العملاء على البحث عن الحب باستخدام البتيخ بين الساعة 6 و7 مساء.

إقرأ الخبر من مصدره