مونديال الفوتسال: غياب مهم فالمنتخب المغربي ضد تاجيكستان فالماتش الأول من كأس العالم

گود سبور- طشقند//

غايعرف ماتش المنتخب الوطني المغربي للفوتسال غياب لاعب واحد غدا الاثنين على الماتش الأول فكاس العالم المقامة حاليا فأوزباكيستان، ضد منتخب تاجيكستان، وهو غياب مهم.

وقرر مدرب المنتخب الوطني المغربي لكرة القدم داخل القاعة مع الطاقم التقني ديال ليكيب ناسيونال، ما يخليوش لاعب الخبرة فصفوف الأسود سفيان بوريط يلعب أول ماتش فالمونديال ضد تاجيكستان، بسبب الإصابة لي عندو فالفخذ ديالو.

وجا قرار هشام الدگيگ والطاقم الطبي للمنتخب المغربي، باش ما يغامروش بسفيان بوريط، ويخليوه للماتشات اللي جايين، ومن المنتظر يلعب من الماتش الثاني ضد باناما إلى بقات الحالة ديالو كاتحسن، مع العلم أن بوريط من العناصر المهمة للمنتخب المغربي، وعندو تجربة كبيرة حيث فايت لعب 2 مونديالات.

إقرأ الخبر من مصدره