وكالات//
علن المنتج الهوليوودي السابق، هارفي واينستين، لي مشدود في الحبس بتهم الاغتصاب، أنه بريء من تهمة اغتصاب جديدة بانت عاوتاني.
على حساب ماقالت تقارير صحفية ميريكانية، فالمنتج المشهور تقدم للمحكمة من جديد، بعدما جات واحد المراة جديدة كتقول بلي اغتاصبها عام 2006.
وكتقول المتهمة الجديدة إن هارفي تعدا عليها جنسيا عام 2006 فواحد لوطيل كان في الجنوب ديال منهاتن.
وتقتانعات هيئة المحلفين بالتهم لي وجهاتها هاد السيدة للمنتج الميريكاني، وقررات تزيدها فليستا ديال التهم لي تابعاه.
وبان هاد المخرج حالتو حالة في آخر ظهور ليه في المحكمة، حينت دار السيمانة لي فاتت عملية على القلب ديالو، وبان غير فواحد الكرسي متحرك.
