كود كازا///
البارح السبت 5 اكتوبر 2024 تختاتم بمركز المعارض محمد السادس بالجديدة الدورة الخامسة عشرة لمعرض الفرس للجديدة. الاختتام حرض ليه ولي العهد اللي ترأس نهاية النسخة السابعة من الجائزة الكبرى للملك محمد السادس للتبوريدة. الافتتاح كان دارو الامير مولاي رشيد.
معرض مهم غير المشرفين عليه فضلو يخليو وكالة التواصل والعلاقات العامة “بي ار ميديا” تبقى هي المشرفة. الوكالة اللي سبق للمهنيين فالقطاع خرجو بيان ضدها بسباب اعتمادها الكبير على المؤثرين.
دابا وزارة الفلاحة مع الجامعة الملكية المغربية للفروسية اللي حتى حد ما كيحاسبها على المشاركات الدولية للمغرب٬ هادو كيصرو تبقى هاد الوكالة تشرف على العلاقات العامة.
انشطة مزيانة على العموم ولكن تسويقها ضعيف مقارنة بمستواها. اختيار هاد المنظمين لهاد الوكالة ساهم مع قلة الاشعاع لهاد الحدث