كود الرباط//
شركة النفط طوطال حيدات داكشي لي غاتصيفط للمغرب، ورداتو لفرنسا لي كتعيش أزمة إمدادات ديال المازوط وليسانس فالمحطات ديال الوقود، بسباب اضرابات العمال لي باغين زيادة فالصالير.
هاد الخبار خرجات فالاعلام ومنهم موقع “ماروك دبلوماتيك”، ولكن صحاب المحطات لي تواصلت معهم “كود” كيقولو بلي حاليا الامدادات ديال طوطال مستمرة. ومستقبلا يلا كاين شي انقطاع غايبان.
فرنسا كتعيش اكتظاظ على محطات الوقود واضرابات متتالية، بحيث العمال إضرابهم في المصافي التابعة لشركة توتال في 5 مواقع، كما أوضح منسّق الاتحاد العام للعمل إيريك سيليني، الذي لم توقّع نقابته اتفاق الأجور المبرم، بحسب ما نقلته صحيفة “لوبوان” الفرنسية (Le Point).
فهاد الأزمة لي بينات وجه فرنسا الحقيقي، باش طوطال تسحب المخزون لي جاي للمغرب وتعطيها لفرنسا، كشف حاجة بلادنا لشركات وطنية باش تأمن السوق وتوجد السلعة والحركة تمشا.
داكشي علاش مزيان تكون عندنا شركات وطنية بحال أفريقيا، واخا كاينا اتهامات باحتكار السوق ولكن السلعة ديما موجودة.. ماشي فحال تونس ولا فرنسا حاليا.
مع العلم طوطال عندها 12 فالمائة فالسوق المغربية، اما كون محتكرة كون راه مشا فيها اقتصاد بلادنا.
بعبارة أدق كون عولنا على مازوط طوطال فرنسا كون توقفات الحركة فالبلاد.
دبا صحاب خاص مقاطعة افريقيا، بان بأنهم مفاهمينش السوق، والدور ديال الشركة فتأمين السوق وبالتالي باش الحركة الاقتصادية تمشا. بلا طاقة وبلا مخزون طاقي راه ممكن تكون اضطرابات ومشاكل كثيرة.
وقالت تقارير إعلامية، إن “طوطال إينيرجي مركوتينڭ المغرب” (TMA) التابعة للشركة الأم “طوطال إينيرجي” الفرنسية صيفطات ريزيڤوار ديالها اللي ف المغرب ل فرانسا بسباب الأزمة اللي كاينة عندهم.
وأضافت التقارير ذاتها، أن عدد من السطاصيونات ديال طوطال ف كازا بدات كتسجل عجز ف ريزيڤوارات ديالها، بعد الضغوط اللي مارساتها الحكومة الفرنسية على أكبر شركة بترولية فرنسية، باش تلقى حلول لأزمة المحروقات اللي كتعيش على إيقاعها فرنسا منذ أسبوعين تقريبا.