مسؤول ودادي ل”كود”: عارفين باللي بلقشور ماشي ضد الوداد ولكن ها الخطأ للي دار

كود مصطفى الشاذلي ///

الجمهور الودادي كيعتاقد باللي عبد السلام بلقشور رئيس العصبة الاحترافية لكرة القدم ضد النادي الاحمر، لكن واش المسؤولين على النادي كيشاركوهم نفس الموقف؟

“كود” سولات مسؤول كبير فالنادي الاحمر قبل مواجهة غادية تكون بين ايت منة رئيس الوداد وبلقشور ف”شوف تيفي” قريبا. المسؤول الودادي قال ل”كود” باللي ادارة النادي الحالية عارفة باللي بلقشور ماشي ضد الحمرا٬ لكنو استطرد باللي الخطأ اللي دارو هو انو نسى باللي رئيس العصبة. اي كيمثل رؤساء الاندية كلها وخاصو يدافع على مصالح الاندية ثم اضاف ل”كود” باللي كانت اخطاء تحكيمية ضرات الوداد بزاف ولكن بلقشور ما خرج بتصريح ما انتاقد هاد الشي ما والو. صمتو هو اللي خلى جماهير الوداد يكون عندها موقف منو

بلقشور كان فضل يرد علي جماهير الوداد باغاني واشعار والغاز وهاد الشي زاد قلق الجمهور البيضاوي

إقرأ الخبر من مصدره