كود هناء ابو علي ////
المعرض الاستيعادي اللي دارو معهد العالم العربي بباريس للمهدي قطبي رسام ورئيس مؤسسة المتاحف الوطنية كان فضيحة. فضيحة ما قدر حد يجبدها من الفنانين. نبداو علاش فضيحة. هادا عينو سيدنا باش يطور المتاحف والفنون التشكيلية فالبلاد. ماشي باش يسوق راسو ويبيع صورتو ويدبر على راسو.
غير هو مهدي قطبي همو هو راسو اولا. كان يكون فمعهد العالم العربي بباريس معرض لتشكيليين من الجيل الجديد من المغاربة عوض لوحات واحد كلشي كيعرف باللي اليوم ما بقاش كيرسم.
الفنان الوحيد اللي كانت عندو الجرأة ينتاقدو وعلانية لحد الان هو الفوطوگراف الشهير التهامي الناظر. خرج فموقعو هو واعتابر ان عرض اعمال مهدي فباريس مجاش والاستحقاق والكفاءة وانما غير جميل كيتسالو لجاك لانغ، رئيس معهد العالم العربي، اللي فايت تنظم ليه عرض فمارس 2023، عبر مجموعات IMA، فالمتحف الوطني محمد السادس بالرباط قبل أن يتم تداوله فمتاحف أخرى بالمغرب مثل أكادير أو طنجة بتدخل من قطبي. يعني يستغل منصبو باش يتبادلو المصالح وصافي
وذكر أن قطبي بصفتو رئيس المؤسسة الوطنية للمتاحف، مهمتو كتتمثل فتشجيع الفنانين المغاربة الشباب، ولكن للأسف، يشرح الناظر٬ كيفضل الترويج لنفسو وكيحتكر الساحة لراسو.
وأشار التهامي ان معرض اعمال مهدي اللي تقام ففرنسا ما حضروش ليه فنانين اخرين، بقا غير لانج و قطبي، بالإضافة لناتالي بونديل،مديرة إدارة المتاحف والمعارض في IMA، ينفخو ويصبغو فالاعمال ديالهم، ووقف الفنان التهامي عند مسألة ان الفنان الحقيقي ما خصوش يشرح ويشكر الفن اللي كيدير حيث هادشي كيطيح من العمل الفني ديالو.
وعاود ذكر الفنان الكبير باللي مايربط هاد الثنائي الجانب السلطة المطلقة اللي كيمارسوها على قواهم، هو الشراهة والاحتكار والصباغة،مضيفا أن هاد المعرض هو استحمار للجمهور٬ متسائلا علاش مايدارش ليه عرض منفرد تضاف الشرعية دولياً؟
رابط المقال
