وكالات//
حذرات واحد المنظمة بريطانية مشهورة من انتشار خطر التحرش الجنسي على الأطفال، على الإنترنيت وقالت بلي هاد المحتوى الإباحي تزاد بزاف وخاصة بسبب التطور ديال الذكاء الاصطناعي.
ودارت منظمة ’’إنترنت ووتش فاونديشن‘‘ ولي هي أكبر منظمة فهاد المجال في العالم، واحد البيان خطير، كتقول فيه أن آخر التقارير ديالها كتدق ناقوس الخطر بخصوص خطر الذكاء الاصطناعي فهادشي.
وقالت كذلك بللي التطور ديال الذكاء الاصطناعي، سهل عليهم أنهم يديرو تصاور وفيديوهات كيبانو بحال إلى حقيقيين ف محتويات إباحية ديال دراري صغار.
وأكدات المنظمة أنها توصلات أكثر من 150 بلاغ على هادشي غير فعام واحد، وقالت إن هادشي خاص يتدار ليه حد، حينت ماغاديش نقدرو نحبسوه بسبب الذكاء الاصطناعي.
