كود سبور//
تأسف الجنوب إفريقي رولاني موكوينا مدرب الوداد الرياضي، على أداء الفريق الأحمر قدام النادي المكناسي، فالماتش اللي خسروه اليوم الأربعاء بنتيجة 2 لزيرو، برسم الدورة 7 من البطولة الاحترافية لكرة القدم الاحترافية.
وبعدما خسرو الماتش الثاني هذا الموسم، قال رولاني موكوينا فتصريح له ورا الهزيمة أمام النادي المكناسي: “الكوديم دارو ماتش مزيان ويستاهلو الرباح.. كانتفهم الجمهور اللي كاعي بسبب 2 مواسم خايبين داز منهم الفريق، ولكن راه ما عنديش عصى سحرية، الجمهور كايبغي الفريق وتزادو وغايموتو كايبغيوه”.
وكمل موكوينا: “خاصنا نكونو عائلة باش نكونو متحدين فالوقت الصعيب، راه أنا ما كاناكلش ملي كانخسرو، وعارف أن هذا الشي ما كافيش والخدمة هي الحل، وحاسين بألم الجمهور، وغانديرو اللي فجهدنا باش نعطيوه اللي يستاهلو”.
وزاد موكوينا: “أنا المسؤول على الخسارة، درنا أخطاء تاني وغانحاولو تصحيحها فالماتشات الجايين، ومازال ما وصلنا للنيفو اللي باغيين”.
