كود الرباط//
قال فوزي لقجع، الوزير المنتدب المكلف بالميزانية، بلي مكاينش شي نموذج ديال تضريب شي مادة من المواد تزيل ضرر تلك المادة، وذلك في حديثه عن الضرائب على السجائر العادية والإلكترونية.
وأوضح لقجع، في جلسة عمومية مخصصة لمناقشة التعديلات حول مشروع قانون المالية 2025، بمجلس النواب، “من السهل اننا نقولو خصنا نطلعو ضريبة السجائر لأن كاع المغاربة مجمعين ان الكارو مهما كانت اشكالها وانواعها هي مضرة بالصحة، ومهما كان تطور استعمالها .. لكن مكاينش نموذج للتضريب على المواد يزيل ضرر استعمالها”.
وتابع لقجع :”سنوات بشكل متتالي ومسترسل درنا التضريب وعملية ثانية هي الماركاج باش ميبقاش التهريب فهاد المجال”، مشيرا بلي جميع السجائر لي كانت خارج نطاق التضريب فرضنا عليها نفس المستوى المرتفع من الضرائب.
وقال لقجع :”واش نبقاو نتبعو هاد الكارو ..راه تزادت الضرائب عليه بكثر من 300 فالمائة فكولشي”، مضيفا :”حيدنا خطر ديال التهريب ويلا زدنا فالضرائب غانرجعو اللور”.
Laisser un commentaire