كود كازا سعيد الشاوي ///
علمت “كود” ان النيابة العامة لدى ابتدائية عين السبع فكازا قررات تابع فحالة اعتقال ولد الشينويا واسمو الحقيقي رضى بوزيد مع واحد لمرا. كما تقرر متابعة وامو وخوتو فحالة سراح.
ولد الشينويا متابع مع عائلتو بتهم السب والقذف والمس بالحياة الخاصة للغير عبر نشر ادعاءات بواسطة الأنظمة المعلوماتية بغرض التشهير والهجوم على محل الغير والسب والشتم والتهديد، وإحداث الفوضى داخل مرفق امني والتهديد بارتكاب جناية.
حسب مصدر ل”كود” فولد الشينويا عليه بزافت الشكايات. تقدم عند الشرطة القضائية لمولاي رشيد فكازا. من بعد مشى على رجليه عند النيابة العامة اللي قررات قبل قليل من يومه الاربعاء 20 نونبر 2024 فحالة اعتقال هو ومرا اسمها فاطمة امزيوق. غاديين يدوزو اول ليلة ليهم فالحبس بعين السبع
مصادر “كود” اكدات باللي قضية اخرى كتهم الاتجار بالبشر مازال كتبحث فيها الفرقة الوطنية.
Laisser un commentaire