كود سبور//
خدامين الرجاء الرياضي، كايموتيفيو اللاعبين ديال الفريق باش يربحو الديربي ضد الوداد الرياضي، برسم الدورة 11 من البطولة الاحترافية.
ووضحت مصادر “گود”، أن المكتب المديري ديال الرجاء الرياضي وبعدما دارو منحة 30 ألف درهم للاعبين، بريم باش يربحو الديبري والبريم اللي دارو المنخرطين حتى هما، تعشاو اعضاء من المكتب البارح الاربعاء مع الفريق وحمسو اللاعبين والطاقم التقني.
وباغيين الرجاء الرياضي يربحو ماتش الديربي ضد الوداد الرياضي، باش يخرجو من مشكل النتائج السلبية اللي طايحين فيها، خصوصا وان المدرب الحالي ريكاردو سان بينتو باقي ما ربح حتى ماتش مع الفريق.
Laisser un commentaire