كود سبور//
نجحت المدربة المغربية لمياء بومهدي، وحققت انجاز تاريخي مع تي بي مازيمبي الكونگولي، بقيادتهم لتحقيق أول لقب في دوري أبطال افريقيا لكرة القدم النسوية، ملي ربحو فالفينال فريق الجيش الملكي النسوي، اليوم السبت فتيران العبدي بالجديد.
وسالا الماتش بين الجيش الملكي اللي كيدربهم محمد أمين عليوة وتي بي مازيمبي الكونگولي اللي كاتدربهم لمياء بومهدي بنتيجة واحد لزيرو لمصلحة الكونگوليات، وهو الهدف اللي ماركاه فالشوط الاول من الماتش من بينالتي، وقدرو يحافظو عليه حتى نهاية المباراة.
وبهذا التتويج كايكونو تي بي مازيمبي الكونگولي ربحو أول لقب فشومبيونزليگ العيالات، ولمياء بومهدي هي أول مدربة مغربية كاتربح هذا اللقب، أما فريق الجيش الملكي خدا وصيف البطل، بعدما سبق له وربح اللقب عام 2022.
Laisser un commentaire