كود سبور//
تعرضو شي مشجعين ديال فريق الجيش الملكي لحادث سير خطير فالطريق بين الرباط وبرشيد، حيث كانو غاديين يتفرجو فالفريق العسكري ضد شباب السوالم فتيران برشيد اليوم السبت.
وتقلبت هوندا بمشجعين د ليفار نواحي الدار البيضاء، كانت جايباهم من الرباط لبرشيد فلوطوروت، والعدد ديالهم حوالي 20 شخص، الشي اللي تسبب فإصابات متفاوتة الخطورة وسط منهم، وتنقلو لإحدى مستشفيات مدينة الدار البيضاء باش يتلقاو العلاج اللازم.
بحال هذه الحوادث خاصها تكون عبرة، وتكون سبب لوضع حد مع صحاب الهوندات والتريبورطورات اللي كايهزو بنادم فالماتشات وبلا ماتشات، وهذا النوع من الطرونسبور اللي لا يحترم كرامة المواطن المغربي وكايشكل خطر على حياتو.
Laisser un commentaire