وكالات//
نزلات واحد الطيارة تابعة لشركة “سيتشوان إيرلاينز” الصينية بشكل اضطراري نهار السبت، بعدما خرج دخان من جهاز “باور بنك” ديال واحد من الركاب.
وقعات الحادثة خلال رحلة بين تشنغدو وشيامن، فين اضطرات الطيارة أنها تهبط في مدينة جويلين جنوب الصين.
شركة الطيران خرجات من خلال الكونط ديالها على “ويبو” وقالت إن إجراءات السلامة سالات بنجاح، وهو شي لي خلاها تقلع من جديد وتوصل للوجهة ديالها بأمان.
https://x.com/OnDisasters/status/1863619613172384074
وبينات بزاف ديال الفيديوهات لي تناشرات في السوشل ميديا مقاطع كايبان فيها الدخان داخل مقصورة الطيارة، وكانو الركاب وطاقم الطائرة لابسين ماسكات وكيتحركو في الممرات باش يتعاملو مع الموقف.
في نفس البيان شددات الشركة على أهمية التعامل بشكل سليم مع أجهزة “باور بانك” في السفر، ونشرات واحد الفيديو تعليمي على “ويبو” كتوضح فيه الطريقة ديال التعامل معاها في الطيارات.
Laisser un commentaire