كانت سارط شي حاجة.. فيديو كيخلع ديال لفعة كبيرة بزاف بانت في فيضانات التايلاند (فيديو)

وكالات//

بارطاجاو رواد السوشيال ميديا واحد الفيديو ديال حنش كبير بزاف كان فوق واحد الواد في التايلاند وهو شي لي خلع الآلاف من الناس سوا لي كانو تما ولا غير لي شافو الفيديو.

الفيديو تصور في وحدة من مناطق تايلاند لي معروفة بالفاعي الكبار، وكيبين حالة الرعب الكبير لي عاشوها دوك الناس.

على حساب ماقال جورنال “بانكوك بوست”، فالناس في الأول صحاب ليهم بللي اللفعة ميتة وغير جارها الواد.

وكيقول الجورنال أن الناس تصدمو فين شافو أن اللفعة باقا حية وكرشها منفوخة بزاف وكيعتاقدو أنها كلات شي حاجة، بحال شي كلب مثلا.

إقرأ الخبر من مصدره