وكالات//
النجمة الميريكانية العالمية بيونسي حدات لقب أعظم نجمة ديال موسيقى البوب في العالم في القرن 21، بعدما كشفو على قائمة العظماء د Billboard .
وعلى حساب ما جاء في مجلة “شارت إن فرانس” فهاد الاختيار نوض روينة كبيرة..
وفي الوقت لي كيشوفو لي فان ديال بيونسي انها كتستحق هاد الجائزة، ناضو وحدين خرين كيحيحو وقالو ان لي كتستاحقو فعلا هي النجمة تايلور سويفت اللي جات الثانية فالكلاصمون د بيلبورد.
وبدات بيونسي مع فرقة Destiny’s Child وحققات أرقام قياسية بألبومها الأخير Cowboy Carter، وأكدات انها من الاساطير باعتراف Billboard لي قالت انها استحقت هذا اللقب بفضل “25 عام من التأثير والتطور والإبداع”.
وربحات النجمة هاد اللقب بعدما ولا عندها الرقم القياسي كأكثر فنانة ربحات جوائز الگرامي (32 جائزة)، وأكبر عدد من الترشيحات (99 ترشيح).