كود سبور//
قنعو الرجاء الرياضي بالتعادل امام مانيما الكونگولي، اليوم السبت فتيران الشهداء بكينشاسا بالكونگو الديمقراطية، برسم الجولة الثانية من دور مجموعات دوري أبطال أفريقيا.
وسالا الماتش بين الرجاء الرياضي والمضيف ديالو مانيما الكونگولي بنتيجة التعادل الايجابي واحد لواحد بين الفريقين، وماركاو الرجا هما الاولين فالماتش بواسط يونس النجاري فالشوط الاول والكونگوليين ماركاو التعادل فالشوط الثاني، مع العلم ان لاعبين الرجا رجعو بزاف للخلف وهذا الشي خلى الفريق الكونگولي يضغط ويماركي التعادل، وراه الماتش تلعب فحرارة فايتا 31 والعشب الاصطناعي.
وبهذا التعادل تقعدت مهمة الرجاء الرياضي فالگروب الثاني، واخا الفريق خدا اول نقطة له، ومحتل بها المركز الأخيرة، ورا مانيما الكونگولي اللي عندهم 2 نقاط، وليفار المتصدرين بـ3 النقاط اللي عندهم ماتش اليوم السبت ضد صن داونز الجنوب إفريقي اللي عندهم نقطة وحدة.
Laisser un commentaire