واخا تفارقو.. جينيفر لوبيز خلات علاقتها مزيانة مع ولاد بين أفليك

وكالات//

قالت بزاف ديال التقارير الصحفية الميريكانية، أنه واخا جينيفر لوبيز تفارقات مع راجلها بين افليك، إلا أنها مزالا عندها علاقة مزيانة معاهم.

وكشفات نفس المصادر أن جينيفر لوبيز وبين افليك بانو مجموعين مؤخرا، وجات خصيصا باش تعاون بنتو سيرافينا، 15عام، لي كان عندها واحد العرض مسرحي.

وجات جينيفر لبيوز لهاد العرض كذلك باش تعاون حتى بنتها ايمي، 16 عام، ولي كانت مشاركة في نفس العرض.

وبارطاجات الصحافة ديال ميريكان تصاور ديال هاد الثنائي وهوما داخلين بجوج لقاعة العرض.

وهادي هي أول مرة كيبانو فيها مجموعين من نهار قررو أنهم يتفارقو، حينت لحد الآن مزال ماتوصلوش لاتفاق نهائي باش يطلقو.

إقرأ الخبر من مصدره