كود سعيد الشاوي ///
زيارة سيدنا لكازا هاد ليام . مظاهر كثيرة ديال التهرگاويت غبرت. ماشي فلمدينة كلها ولكن على الاقل فشوارع محمد السادس ومولاي يوسف والجيش الملكي وهوفويت بوانيي والزرقطوني والموحدين وسيدي محمد بن عبد الله وانفا والمسيرة ومولاي رشيد وعدد من ازقة وشوارع وسط لمدينة. اليوم فالصباح مثلا٬ كانت طونوبيلة وجوج مواطر دالبوليس كيدورو فنواحي مسجد الحسن الثاني.
وصلو حتى للحي الاداري والسكني لمارينا. هاد الحي فيه الزبل ولوسخ وعامر بصحاب لمواطر وحتى الطونوبيلات كيجيو فالبلاصة ديال صحاب الصيد بالقصبة وشي وحدين كيحطو طونوبيلاتهم الفوق. فوضى كبيرة غبر ليها الاثر. هاد الشي ديال الطونوبيلات ولماطر راه ممنوع. بحالو بحال ماتشات الفوت والبيع والشرا. ديما حاضرة التهركاويت فظل غياب السلطات اللي رافضة دير خدمتها. خلات السيبة فهاد لبلاصة وبلايص اخرى من كازا. هاد الشي ديال مارينا غير مثال على الفوضى اللي موجودة فاحياء كثيرة فكازا. شوفو بلا ما نهدرو على الاحياء الشعبية
وجود سيدنا خلى مظاهر كثيرة من التهرگاويت تغبر.
اييه من نهار جا الوالي مهيدية ارتفعات وثيرة القضاء علي عدد من مظاهر التهركاويت. مقاطعات فكازا بحال سيدي بليوط حتى هي خدامة فهاد السياق. كاين الترياب. كاين تطبيق القانون. سالى شوية التسيب
حضور سيدنا كيخلي هاد المظاهر ديال اللا تمدن. ديال تهرگاويت بلغة “كود”٬ كيغبرو. ممكن السلطات كلها مع المنتخبين٬ يتجندو باش نرجعو الفضاء العام لجميع لمغاربة. يتمتعو بيه بدون تهرگاويت
Laisser un commentaire