علاش مكانتش قائمة وحدة وطويلة جدا، مادام نضتي تحصي الناس ووجدتي ميزانية لذلك فحصيهم مزيان، لي يسول خمسة دالاسئلة يسول عشرين فين كاين الموشكيل، اما باش تزرب على المغاربة بإحصاء فيه خمسة دالاسئلة ولا ستة ومن بعد تبني عليه دراسات وأرقام رسمية، راه غادي تكون ارقام بعيدة على الواقع

محمد سقراط-گود///

في الإحصاء ديال الافين وربعطاش كانت قائمة ديال الأسئلة طويلة ومهمة وفيها تفاصيل كثيرة، وحتى مدة العملية كانت طول، هاد المرة استغربت يالله سولنا سميتك واش خدام واش سبقليك مشيتي لخارج وعلاج وشي سؤال آخر وجمع الوقفة، آجي فين غادي واش هذا هو الإحصاء لي مجندين ليه هاد الإمكانيات كلها، ايبه هو هذا الإحصاء وراه جات فيك القائمة القصيرة، وعلاش كاتجيش فيا الطويلة اخويا مالي آش درت؟ معندك الزهر وحتى الطويلة راه ماشي شي فرق كبير زايدة عليها بسؤال على باش كتدوي وشي أسئلة خرى والله يعاون، وفي اللخر كتبدى تسمع المغرب فيه قدا وقدا ديال الناس بطاليين او العكس فيه قدا وقدا ديال لي كيهدرو الامازيغية.

علاش مكانتش قائمة وحدة وطويلة جدا، مادام نضتي تحصي الناس ووجدتي ميزانية لذلك فحصيهم مزيان، لي يسول خمسة دالاسئلة يسول عشرين فين كاين الموشكيل، اما باش تزرب على المغاربة بإحصاء فيه خمسة دالاسئلة ولا ستة ومن بعد تبني عليه دراسات وأرقام رسمية، راه غادي تكون ارقام بعيدة على الواقع، ومنها الأرقام الخاصة بالبطالة ولي بزاف ديال الناس كيزاولو مهن وحرف وكيعرفوا براسهم كبطاليين من الاجل الاستفادة ديال خمسمية درهم وديال نظام آمو فابور.

كاين بزاف ديال المهن هامشية في المغرب لي كيزاولوها كيقدرو يعيشو بيها ولكن راها قريبة للبطالة بحكم انها غير محمية ومافيها حتى مستقبل، دابا واحد طالب معاشو او كيجر كروسة في السوق او كيخدم في الموقف صنايعي مرة يجيب مرة لا، او كيشارجي الكاميوات ديال الرملة او شي وحدة كتخدم العقاد او كتسيق الديور، هادو راه اييه خدامين وعايشين ولكن في نفس الوقت راهم بطاليين، واحد عندو فراشة هاهو خدام غدا القايد يصبح ماراشقالوش او داز شي مسؤول كبر منو قاليه اش هاد الفوضى، كيجمع اامخازنية ويهبط للسوق يعزز ارقام البطالة في المغرب، هاد النوع دالخدامي راه بطالة مقنعة وصافي وماشي خدمة، راه عادي يبانوا ارقام البطالة طالعين، واحد مثلا فراش في الشارع كيستافد من الدعم، واش غادي يعرف براسو خدام؟ طبعا لا.

إقرأ الخبر من مصدره