وكالات//
بعدما دازت أشهر على الإصابة ديالو بسبب الهجوم عليه في ولاية نيوجيرسي، خرج المانادجر والمتحدث باسم الكاتب البريطاني من أصل هندي سلمان الراشدي باش يعلن على الوضع الصحي ديالو.
أندرو وايلي قال إن سلمان الراشدي كيشوف بعين وحدة وتشللات ليه يد بسبب الطعنة لي خدا، ولي خلات لعصب ديال يديه يتقطعو، بالإضافة للإصابة ديالو بـ3 ديال الطعنات في العنق.
المانادجر ديال سلمان الراشدي لأول مرة هضر في الموضوع في حوار مع جريدة الباييس الإسبانية، ولكن فضل أنه ما يخبرش الناس فين كيتواجد حاليا سلمان الراشدي، واش خرج من السبيطار ولا باقي.
وتسبب شاب لبناني عندو 24 عام في مآساة سلمان الراشدي بعدما هجم عليه فوق المسرح وهو كيقدم محاضرة في مؤسسة تشاوتاكوا في ولاية نيوجرسي.
سلمان الراشدي كان مهدد من زمان بعدما صدر المرشد الأول في إيران فتوى قبل 33 عام باش يتهضر الدم ديالو، بسبب كتابو “آيات شيطانية”، هادشي لي خلا الأمن البريطاني يرافقو لمدة 9 سنين.