وكالات//
التحدي ديال “لعبة الموت” لي تسبب في موت 80 ولد وبنت صغار في العالم دخل للعالم العربي، وخصوصاً مصر، فين بداو الناس كينشرو على السوشيل ميديا باش يحذرو الوالدين ينبهو ولادهم لهاد الموصيبة.
التحدي ديال لعبة الموت لي منتشر في التيك توك كيفرض على الدري الصغير يقطع النفس لأطول مدة باش يجرب الشعور ديال الاقتراب من الموت، وكاين لي وصل حتى 3 دقايق وتسبب ليه في إغماء من بعد.
المصيبة الأكبر أن الدراري الصغار لي ما واعينش بخطورة هاد التحدي كيوثقوه بالصوت والصورة، وكاين حتى لي كيستاعن بصحابو يحبسو ليه النفس، بحال يوركو ليه على صدرو أو يخنقو ليه نيفو أو يقجوه باش ما يدخلش الأكسجين نهائياً.
مراكز السيطرة على الأمراض والوقاية في ميريكان وبعدما ماتو الدراري بزاف بسبب التحدي عطات للوالدين علامات باش يعرفو أن ولادهم كيديرو هاد التحدي بالتخبية عليهم.
ومن بين هاد العلامات العينين كيحمارو ولاطراس في العنق ديال القجان والراس كيبدا يزدح بطريقة غير طبيعية، وحتى الدري كيبدا يحس بالارتباك ملي كيبقى بوحدو.
وزارة التربية والتعليم المصرية ومن بعدما انتشرو فيديوهات على تيك توك لهاد تحدي الموت في المدارس دارت مراسلة خاصة وعاجلة لكاع المدارس في لبلاد كتطلب من الأساتذة والمربيين يراقبو السلوكات غير الطبيعية ديال الدراري.
وفي نفس الوقت، طالبات الوزارة في بيان من الوالدين في مصر يراقبو التصرفات ديال ولادهم وينبهوهم من هاد التحدي لي سالاها مع بزاف ديال الأطفال في العالم، خصوصاً في ميريكان فين بدا.
خلوا بالكم من عيالكم ووعوهم عشان دا فيديو لسه واصلني عن لعبة انا سميتها #لعبة_الموت ، اللعبة عبارة عن تحدي اطفال مين يكتم نفسه فترة وميموتش ????
انا قلبي وجعني على بنتي وخفت قوي..
احنا في زمن مرعب ربنا يحافظ على ولادنا جميعاً pic.twitter.com/HgFl4uQl4m
— ﮼ضحكة،تويتر ???????????????? (@Da7kooka) October 19, 2022