كود سبور//
أكد أنس باش لاعب الجيش الملكي ان الماتش ضد الرجاء الرياضي غدا السبت ضمن الجولة الخامسة دوري أبطال افريقيا، غايكون فرصة للفريق العسكري لحسم التأهل إلى ربع النهائي بلاما يتسناو الجولة الأخيرة، وان الهدف ديالهم هو يحتفلو بهذا التأهل غدا مع جمهورهم فتيران مكناس.
ووضح أنس باش لاعب الجيش الملكي خلال الندوة الصحافية اللي كاتسبق ماتش ليفار والرجا، وقال: “المباراة المقبلة ديال الرجاء الرياضي مهمة لنا، من جهة حيث هي اللي غاتخلينا نحسمو التأهل للدور المقبل دون انتظار المباراة الأخيرة ومن جهة اخرى حيث لاعبين ضد خصم من نفس البلد”.
وكمل انس باش: “غانحاولو نستغلو حضور الجمهور ديالنا اللي غايكون كثير خصوصا بعد نفاذ التذاكر من اليوم الاول، وكانتمنى نكونو فالموعد باش نحققو هدفنا ونحتافلو مع الجمهور ديالنا فتيران مكناس”.